तुलसीपुरमा मोटरसाइकलकाे ठक्करबाट पैदलयात्रीकाे मृत्यु

दाङको तुलसीपुरमा मोटरसाइकलकाे ठक्करबाट एकजना पैदलयात्रीकाे मृत्यु भएको छ । मृत्यु हुनेमा तुलसीपुर-१२ निवासी ६२ वर्षिय रेश्मी खत्री रहेको ईलाका प्रहरी कार्यालय तुलसीपुरका प्रहरी निरीक्षक नवचन्द्र मल्लले जानकारी दिनुभयो । उहाँका अनुसार तुलसीपुरबाट जसपुरतर्फ जाँदै गरेको रा ६ प ६०४१ नम्बरको मोटरसाइकलले तुलसीपुर-१२ पुकार पसल नजिकै पैदल हिडिरहेकि खत्रीलाई आज बेलुका ७ बजेको समयमा ठक्कर दिदा दुर्घटना भएको हो । दुर्घटनामा परि गम्भीर घाइते भएकी उहाँको राप्ती प्रादेशिक अस्पताल तुलसीपुरमा उपचारकै क्रममा अहिले साढे ८ बजेको समयमा मृत्यु भएको हो ।