दाङको बंगलाचुलीमा मोटरसाइकल दुर्घटना हुँदा एकको मृत्यु

दाङको बंगलाचुलीमा मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन् । आज बिहान ९ बजे तिर जुम्लेपानी पुरुङ छेडा बाटो अन्तर्गत मौवालेक मौवालेक भन्ने ठाउँमा रा ३ प ५७९१ मोटरसाइकल दुर्घटना हुँदा मोटरसाइकल सवार बंगलाचुली ४ निवासी खेतुलाल नेपालीको मृत्यु भएको छ भने चालक बंगलाचुली ३ निवासी चेत प्रसाद डाँगी घाइते भएको जिल्ला प्रहरी कार्यालय दाङका डिएसपी जनक मल्लले जानकारी दिए ।

डिएसपी मल्लको अनुसार घाईते डाँगीलाई राप्ती स्वास्थ्य विज्ञान प्रतिष्ठान घोराहीमा उपचार भैरहेको छ । साँगुरो बाटोमा मोटरसाईकल अनियन्त्रित भई बाटोदेखि मोटरसाइकल करिब ४ मिटर तल खसेको थियो ।