तुलसीपुरमा दुईवटा मोटरसाइकल ठोक्किदा ३ जना घाइते

दाङको तुलसीपुरमा दुईवटा मोटरसाइकल एक आपसमा ठोक्किदा ३ जना घाइते भएका छन् । तुलसीपुरबाट पश्चिमतर्फ जादै गरेको रा ६ प १०१४ नम्बरको मोटरसाइकल र विपरित दिशाबाट आउदै गरेको रा ५ प १९३९ नम्बरको मोटरसाइकल तुलसीपुर–८ चमेखोला नजिकै शनिवार दिउँसो पौने एक बजे एक आपसमा ठोक्किदा दुर्घटना भएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिनुभयो ।

घाइते हुनेमा तुलसीपुर–९ का २२ वर्षीय संगित चौधरी, सल्यानको कालिमाटि गाउँपालिका–३ का चालक ३३ वर्षीय हर्क बहादुर वली र सोही मोटरसाइकलमा पछाडी सवार छोरा १० वर्षीय डिम्पल वली रहेको इलाका प्रहरी कार्यालय तुलसीपुरले जानकारी दिएको छ । घाइते तिनै जनाको राप्ती प्रादेशिक अस्पताल तुलसीपुरमा उपचार भइरहेको र दुबै सवारी साधनलाई नियन्त्रणमा लिएको प्रहरीले जनाएको छ ।।