बाँकेमा स्कूल बसकाे ठक्करबाट एक जनाको मृत्यु, दर्जनबढी बाख्रा मरे

बाँकेमा स्कूल बसले ठक्कर दिंदा एक जनाको मृत्यु भएको छ भने दर्जनबढी बाख्रा मरेका छन् । पूर्वपश्चिम राजमार्ग अन्तर्गत ढकेरी नजिक बिहीबार अपरान्ह ज्ञानकुञ्ज स्कूल चप्परगौडीको ना ४ ख ४५७० नम्बरको बसकाे ठक्करबाट २६ वर्षीय गोविन्द वलीका घटनास्थलमै मृत्यु भएको हाे । गोविन्द र गोपाल वलीसँगै थिए । गोपाल सामान्य घाइते भएका छन् । गोविन्द र गोपाल जुम्ल्याहा दाजुभाई भएको बुझिएको छ ।

गोविन्दलाई ठक्कर दिएपछि अनियन्त्रित भएको बस सडक किनारामा हिडिरहेको बाख्राको हुलमा पुगेको थियो । बसको ठक्करबाट एक दर्जनबढी बाख्रा मरेका छन् । केही घाइते भएका छन् ।