तुलसीपुरमा शान्तिनगरका एक युवकमाथि रड प्रहार

दाङको तुलसीपुरमा एक युवकमाथि रड प्रहार भएकाे छ। तुलसीपुर बजारकाे मदन आश्रित चोकमा दाङकाे शान्तिनगर गाउपालिका वडा नं ४ का निवासी १९ बर्षीय  विप्लब योगीमाथि प्रहार भएकाे इलाका प्रहरी कार्यालय तुलसीपुरले जानकारी दिएकाे छ । बुधबार दिउँसाे २ बजेतिर उभिरहेको अवस्थामा अचानक उनिमाथि टाउकोमा रड प्रहार भएकाे हाे ।

उनलाई तुलसीपुरकाे समिता मेडिकलमा उपचारपछि डिस्चार्ज गरिएकाे छ । घटनामा संलग्न भएकाे आराेपमा प्रहरीले ५ जनालाई नियन्त्रणमा लिएको छ । घटना बारे अनुसन्धान भैरहेकाे प्रहरीले जानकारी दिएकाे छ । पक्राउ परेका व्यक्तिकाे परिचय खुलाइएकाे छैन् ।