भाइरल मोतीपुर मोटरबोट बन्द गर्न निर्देशन

पछिल्लो समय भाइरल भइरहेको दाङको मोतीपुर मोटरबोट बन्द गर्न जिल्ला प्रशासन कार्यालय दाङले निर्देशन दिएको छ । तुलसीपुर–११ मा रहेको मोतिपुर बबई नदिमा संचालनमा आएको मोटरबोट अबैधानिक भन्दै बन्द गर्न निर्देशन दिएको छ । .प्रशासनले आज एक सुचना जारी गरी आवश्यक प्रक्रिया पूरा नगरेका कारण बन्द गर्न यसअघि मौखिम निर्देशन दिएको र अटेर गरेपछि लिखित सूचना जारी गरेको जनाएको छ । प्रक्रिया पुरा नगर्दासम्म मोटर बोटिङ नगर्न प्रशासनले निर्देशन जारी गरेको हो ।

प्रमुख जिल्ला अधिकारी कृष्णप्रसाद लम्सालले मंगलबार जारी गर्नुभएको सूचनामार्फत पर्यटन विभागबाट प्रचलित कानुन बमोजिम अनुमति नलिएर अवैधरुपमा मोटरबोट संचालन भएको उल्लेख छ । प्रमुख जिल्ला अधिकारीले नितिगत प्रक्रिया पूरा गर्न समेत मोटरबोट संचालकलाई निर्देशन दिनुभएको छ । नदिलाई थुनेर मोटरबोट संचालन हुँदा स्थानीय किसानको पानी सिंचाईमा असर पुगेको, नजिकै रहेको झोलुंगे पुलमा भिडभाड हुँदा पुल जोखिममा परेको लगाएका कारण स्थानीय प्रशासन ऐन २०२८ को दफा ६ को ३९क० को अधिकार प्रयोग गरी बन्द गर्न आदेश जारी गरिएको प्रशासनले जनाएको छ ।