लमहीमा जारी प्रधानमन्त्री कप क्रिकेमाट आज दुई खेल हुँदै

दाङको लमहीमा जारी प्रधानमन्त्री कप राष्ट्रिय महिला क्रिकेट प्रतियोगिता अन्तर्गत आज दुई खेल हुँदैछ ।

दाङको लमहीमा सञ्चालित प्रतियोगितामा समुह ‘बी’ अन्तर्गत सुदुरपश्चिम प्रदेशले प्रदेश १ तथा बागमती प्रदेशले गण्डकी प्रदेशको सामना गर्ने छ ।पहिलो खेलमा सुदुरपश्चिम प्रदेशले प्रदेश १ सँग खेल्नेछ । यी दुई टोलीबीचको खेल अहिले केहि समयबाट सुरु हुनेछ ।

यसअघि दुवै टिमले पहिलो खेलमा जित हात पारेका थिए । लगातार दोस्रो जित निकाल्दै दुवै टिम सेमिफाइनल स्थान बलियो बनाउन चाहन्छन् ।यस्तै, दोस्रो खेलमा बागमती प्रदेश र गण्डकी प्रदेशबीच प्रतिस्पर्धा हुनेछ । यी दुबै टोलीबीचको खेल दिउँसो १ बजेबाट सुरु हुनेछ ।दुवै टिम प्रतियोगितामा पहिलो जितको खोजीका साथ मैदान उत्रने छन् । यसअघि दुवै टिमले आफ्नो पहिलो खेलमा खराब सुरुवात गरेका थिए ।समुह ‘ए’ बाट विभागीय टिम एपीएफ र लुम्बिनी प्रदेश सेमिफाइनल प्रवेश गरिसकेका छन् ।

एपीएफ समुह विजेता तथा लुम्बिनी उपविजेता बन्दै सेमिफाइनल पुगेका हुन् ।समुह‘बी’ को विजेताले लुम्बिनी र उपविजेताले एपीएफसँग सेमिफाइनल खेल्ने छन् ।समुह ‘ए’ मा एपीएफ, प्रदेश २, कर्णाली प्रदेश र लुम्बिनी प्रदेश रहेका छन् । प्रदेश २ र कर्णाली प्रदेश भने प्रतियोगिताबाट बाहिरिएका छन् ।यस्तै, समुह ‘बी’ मा सुदुरपस्चिम प्रदेश, बागमती प्रदेश, गण्डकी प्रदेश र प्रदेश १ रहेका छन् ।